महेन्द्रनगर,
राष्ट्रिय वाणिज्य बैंक ५९ औं वर्षमा प्रवेश गरेको अवसरमा शाखा कार्यालय धनुषा महेन्द्रनगर शुभकामना अदान प्रदान कार्यक्रम गरेको छ ।

देशकै दोस्रो वाणिज्य बैंकको रुपमा २०२२ साल माघ १० गते स्थापना भएको बैंकले स्थापना दिवसको अवसर पारेर आज शाखा प्रवन्धक विवेक दहालको अध्यक्षता र क्षिरेश्वरनाथ नगरपालिकाका नगर प्रमुख सुखदेव यादवको प्रमुख आतिथीयमा आयोजित एक कार्यक्रम विच शुभकामना अदान प्रदान र सम्मान कार्यक्रम सम्पन्न गरेको छ ।

कार्यक्रममा अतिथीहरु क्षिरेश्वरनाथ उद्योग वाणिज्य संघका उपाध्यक्ष विनय साह, महासचिव दिपक साह, सदस्य संजय साह, पूर्व शाखा प्रवन्धक लक्ष्मन महतो, इलाका प्रहरी कार्यालय महेन्द्रनगरका प्रतिनिधि, सेवाग्राही, कर्मचारीहरुको उपस्थिती रहेको थियो ।

बैंकको ५९ औं वार्र्र्षिकोत्सवको अवसरमा नियमित बचत, व्याज बुझाउने उत्कृष्टि सेवाग्राहीहरुलाई प्रमुख अतिथी र शाखा प्रवन्धक लगायतका अतिथीहरुको हाथबाट दोस्लला र प्रमानपत्र सहित सम्मान गरिएको छ ।

२०२२ सालमा नेपाल सरकारको पूर्ण स्वामित्वमा स्थापना गरिएको राष्ट्रिय वाणिज्य बैंक २०६३ वैशाख ६ गतेदेखि भने पब्लिक लिमिटेड कम्पनीको रुपमा सञ्चालन हुँदै आएको छ ।